Weil se halt gor aso sporte...

Maria Utz +

Mit dam erschta bessla Industrie koma a de Luhntita ei´s Adlergeberche (de Pauern hotta bor ausbezohlt). On weil mer olle recht sporta, kund´s sein, doß de laara Titlan noch fer andere Zwecke gebraucht wurda. On asu is am Weibla possiert, doß se Malheur hotte. S Geld wor emmer eim Topbrate zwescha a Kaffeetepplan. On amol tot se halt ei dos Lohntitla iwrichgebliehne Sonntichnudan on ei a Gedanka a ei´s Schränkla. Om nächsta Sonntiche hot´s pressiert ei der Kerche: ´s Gebatbichla, a Rusakranz, s Geld ... On wie dann Wimmersch Rudi mit m Klingebettl kom ... do fleschelta se olle ein der Bank ons Weibla wurde rut wie en Poteniche. Se hotte doch Nudan aus em Titla rausgezehn stott Gelde! Wos asu olls possiern kon ...